Balik-tanaw sa Gabaldon
Ni Cocoy (hindi nagbigay ng apelyedo)
Isang kaligayahan na malaman na muling itatatayo ang gusaling Gabaldon. Kamakailan lamang ay nagpunta ako doon at kumuha ng ilang larawan kung saan tanging ang mga kongkretong poste na lamang ang natitirang nakatayo na waring nagpapahayag ng di pagsuko sa mga pinagdaanang digmaan, bagyo, treasure hunters at panahon.
Naaalala ko pa ang see-saw sa tagiliran, ang flagpole at ang hagdanan at pasilyo sa harapan na nagsisibi na ring stage.
Ang sahig na kahoy na pinakintab ng bunot, ang mga tubo na railings, bintanang capiz, hindi kailangan ng electric fan dahil malamyos ang hangin mula sa bukid.
Wala na ang acacia pero ang alaala at layunin ay nananatiling buhay sa bawat puso ng mga hinubog at nagsunog ng kilay sa mahal nating paaralan.
Mabuhay ang Infanta!