PASKO NG PAGKABUHAY
Ni Rudy Arizala
Matapos mabayubay
Siya sa krus namatay
Kristo muling nabuhay
Kapayapaay taglay
Ngunit ang taong tanan
Mayroong alinlangan
Tulad ng kasamahan
Santo Tomas ang ngalan.
"Habang di ko matingnan
Ang sugat sa katawan
Di paniniwalaan,"
Wika sa kasamahan.
Nang masalat ng kamay
Sugat katawang buhay
Ni Kristo Diyos na tunay
Si Tomas nagkamalay.
Mapalad ang nilalang
Maniwalang lubusan
Kahit hindi namasdan
Ang katawang sugatan
Ang muling pagkabuhay
Kay Kristong alay
Sa lahat ng nilalang
Buhay na walang hanggan!
Wakas